Nagising na lamang si Liezel De Guzman na pag-aari na ng isang Psychopath Billionaire na si Damien Delavega, matapos niyang ibenta ang sarili niya sa isang Robotics Engineer. Malaking halaga ang kinakailangan ni Liezel upang mapalaya niya ang tatay niyang nakulong sa salang pagpatay kahit wala namang sapat na ebidensiya ang mga kapulisan. Naniniwala siyang inosente ang kanyang ama. Ngunit dahil sa kawalan ng lakas at kayamanan ay hindi niya magawang ipaglaban ang kanyang ama. Kaya naman napilitan siyang ibenta ang sarili niya at magpanggap na isang robot doll na siyang kinahuhumalingan ng bilyonaryong si Damien Delavega. Malaking hamon ang sinuong ni Liezel at hindi siya maaaring magreklamo sa lahat nang maaaring gawin sa kanya ng billionaire. Ngunit para sa kanyang pinakamamahal na ama, ay gagawin niya ang lahat, maging kinabukasan man niya ang maging kapalit nang sakripisyong susuungin niya.